Երևանի քաղաքապետի տեղակալ Հայկ Սարգսյանը Ազգային ժողովում ներկայացրել է Երևան քաղաքի 2020-ի բյուջեի նախագիծը:
Նա տեղեկացրել է, որ ՀՀ պետական բյուջեից 2020–ին Երևան քաղաքին հատկացվելիք գումարը 2019-ի համեմատ 20 միլիարդով ավելացվելու է:
Հայկ Սարգսյանի խոսքով, գալիք տարի, ընդհանուր առմամբ, Երևանին պետբյուջեից կփոխանցվի 77 մլրդ 976 մլն դրամ:
Փոխքաղաքապետը մանրամասնել է նաև, որ 2020 թվականին նախատեսվում է արդիականացնել մետրոպոլիտենի շարժասանդուղքներն ու շարժակազմերը։
