Երուսաղեմի ռեստորաններից մեկի սեփականատերը հորինել է նոր միջոց` «խոհարարական մշակույթը փրկելու համար». նա հաճախորդներին բջջային հեռախոսներն անջատելու դիմաց առաջարկում է 50 տոկոս զեղչ՝ բոլոր ուտեստների համար: Այս մասին հաղորդում է Associated Press գործակալությունը:
49-ամյա Ջավադ Իբրահիմը վստահ է, որ բջջային հեռախոսները կործանել են խոհարարական մշակույթը, ուտելիքի համով հիանալու և սեղանակիցների հետ զրուցելու փոխարեն, մարդիկ ժամեր են անցկանում սոցիալական ցանցերում և համացանցում:
