Օնկոլոգիական հիվանդություններով տառապող պատանիներն ու երիտասարդները հաճախ են դիմում ինքնասպանության։ Այս մասին ասվում է Շվեդիայի, Իսլանդիայի և ԱՄՆ-ի գիտնականների կողմից անցկացված հետազոտության եզրակացություններում, որոնք տպագրվել են Annals of Oncology ամսագրում։
Գիտնականներն ուսումնասիրել են 1987-2009 թվականների Շվեդիայի 7.8 մլն քաղաքացիների տվյալներ։ Այս ընթացքում կատարվել է ինքնասպանության 106 հազար փորձ։ 7.8 միլիոնից 12.6 հազարի մոտ է հայտնաբերվել քաղցկեղ։ 15-30 տարեկան հիվանդներից 136-ը փորձել են ինքնասպան լինել։ Նրանցից միայն 22-ն են «հասել իրենց նպատակին»։
Հետազոտողները նշում են, որ ինքնասպանության փորձ երիտասարդներն ավելի հաճախ անում են հիվանդության հայտնաբերման առաջին տարում։ Այս ցուցանիշով քաղցկեվող հիվանդների մոտ ինքնասպանության փորձերը 1.5 անգամ գերազանցում են առողջների շրջանում նման փորձերի թվին։
