Ավստրալիան զբաղեցրել է առաջին տեղը աշխարհում երիտասարդների համար ամենահարմար երկրների ցանկում։ Վարկանշային աղյուսակը կազմել է ռազմավարական և միջազգային հետազոտությունների ամերիկյան կենտրոնը և Երիտասարդության միջազգային հիմնադրամը։
Global Youth Wellbeing Index-ում ներառված է 30 երկիր։ Առաջին եռյակում են նաև Շվեդիան և Հարավային Կորեան։ Լավագույնների շարքում են Մեծ Բրիտանիան, Գերմանիան և ԱՄՆ-ը։ Վերջին տեղում Նիգերիան է։
Վարկանշային աղյուսակը կազմելիս փորձագետներն ուսումնասիրել են մարդկանց կյանքի որակը 12-24 տարեկանում, ինչպես նաև հաշվի են առել մի շարք այլ գործոններ։
