Դեկտեմբերի 4-ին, ժամը 15:36-ի սահմաններում Երևանի Նորաշեն թաղամասի թիվ 45 շենքի մոտակայքում այրվել է «Ford Transit» մակնիշի ավտոմեքենա: Վարորդը՝ 36-ամյա Հովիկ Թ.-ն ,տարբեր աստիճանի մարմնական վնասվածքներով հոսպիտալացվել է «Այրվածքաբանության ազգային կենտրոն»: Բժիշկները տուժածի առողջական վիճակը գնահատում են ծանր:
Ըստ դեպքի վայր է մեկնած ԱԻՆ ՓԾ Երևանի փրկարարական վարչության հրշեջ-փրկարարական ջոկատի տեղեկատվության, ամբողջությամբ այրվել է «Ford Transit» մակնիշի ավտոմեքենայի շարժիչի հատվածն ու սրահը, ջերմահարվել՝ բեռնախցիկը:
