Երեւան քաղաքի ավագանին այսօր որոշեց սահմանել շրջիկ առեւտրի կետերը կամ տրանսպորտային միջոցները հատուկ տարածք տեղափոխելու եւ դրանք այնտեղ հաշվառելու կարգը: Սահանվեց նաեւ շրջիկ առեւտրի կետերը կամ տրանսպորտային միջոցները հատուկ տարածք տեղափոխելու եւ պահպանման համար վճարների չափը:
Նախատեսում է, որ քաղաքապետը շարժական կրպակներին կտրամադրի թույլտվություն, համայնքի ավագանին էլ կսահմանի՝ որտե՞ղ, ի՞նչ ձեւով եւ կամ ի՞նչ ծառայություններ կմատուցվեն: Խոսքը ոչ թե արգելելու, այլ կանոնակարգելու մասին է: Թույլատրելի վայրերի հետ միաժամանակ կսահմանվեն նաեւ այն տարածքները, որտեղ կարգելվի շրջիկ առևտուրը: Օրինակ, կենտրոնական հրապարակների, պատմամշակութային շենք-շինությունների եւ կրթական հաստատությունների, մասնավորապես՝ դպրոցների մոտ առեւտրի շրջիկ կետեր չեն լինի:
Կաննոնները չպահպանողները կտեղափոխվեն հատու տարածք: Շրջիկ առեւտրի կետը կամ տրանսպորտային միջոցը հատուկ տարածք տեղափոխելու համար գանձվում է վճար՝ 30 հազար ՀՀ դրամի չափով։ Հատուկ տարածքում շրջիկ առեւտրի կետի կամ տրանսպորտային միջոցի պահպանման համար գանձվում է վճար` յուրաքանչյուր ժամի համար 100 ՀՀ դրամի չափով, յուրաքանչյուր օրվա համար 1000 դրամի չափով։
Շրջիկ առեւտրի կետի կամ տրանսպորտային միջոցի տեղափոխումը հատուկ տարածք իրականացվելու է մեկ այլ տրանսպորտային միջոցի օգնությամբ: Տեսուչը կազմում է շրջիկ առեւտրի կետը կամ տրանսպորտային միջոցը հատուկ տարածք տեղափոխելու վերաբերյալ արձանագրություն, իսկ կրկնօրինակը հանձնվում կամ ուղարկում է շրջիկ առեւտրի կետի կամ տրանսպորտային միջոցի սեփականատիրոջը կամ շահագործողին՝ վերջինիս վերաբերյալ տեղեկատվություն ունենալու դեպքում եւ Հայաստանի Հանրապետության ոստիկանություն: Համապատասխան հայտարարություն է տեղադրվում Երեւանի քաղաքապետարանի պաշտոնական համացանցային www.yerevan.am կայքում:
Հատուկ տարածք տեղափոխված շրջիկ առեւտրի կետը կամ տրանսպորտային միջոցը դրա սեփականատիրոջը, նրա լիազորած անձին կամ տրանսպորտային միջոցը շահագործողին հանձնվում է հատուկ տարածք տեղափոխման և պահպանման ծախսերն ամբողջությամբ փոխհատուցելուց հետո: Շրջիկ առեւտրի կետը կամ տրանսպորտային միջոցը հատուկ տարածք տեղափոխելուց անմիջապես հետո հատուկ տարածքի պատասխանատու անձը կատարում է համապատասխան գրառում հատուկ տարածքում շրջիկ առևտրի կետի կամ տրանսպորտային միջոցի հաշվառման մատյանում:
Ամբողջական նյութը՝ սկզբնաղբյուրում:
