Ավստրալական Մելբուրնի Մոնաշա համալսարանի մասնագետները պարզել են, որ մեքենայում երեխաների ներկայությունն ավելի շատ է շեղում ծնողների ուշադրությունը, քան բջջային հեռախոսը: Այս մասին գրում է The Daily Mail-ը:
Անցկացված հետազոտության արդյունքում պարզվել է, որ եթե մեքենայում երեխա կա, ապա ծնողները վարելու ժամանակի մոտավորապես 20 տոկոսը հատկացնում են նրանց` շրջվելով երեխայի կողմ կամ հայելու մեջ հետևելով նրանց : Իսկ ահա բջջային հեռախոսի վրա վարորդները ծախսում են 12 անգամ ավելի քիչ ժամանակ: Նույնիսկ վարորդի կողքին նստած մեծահասակ ուղևորը չի օգնում երեխաների վրայից ուշադրությունը շեղելու հարցում:
Երեք շաբաթ տևած փորձին մասնակցել է 12 երեխա: Ընդհանուր առմամբ, տեսախցիկներով զինված մեքենաներով կատարվել է 92 ուղևորություն: Փորձագետները նշում են, որ 92 ուղևորությունից 90-ը կարող էին տխուր ավարտ ունենալ, քանի որ ծնողներն անխտիր շեղել են ուշադրությունը:
