Լոնդոնի «Արսենալի» կիսապաշտպան Մեսութ Օզիլը, ուր նա տեղափոխվել է անցած ամառային տրանսֆերային պատուհանի ժամանակ Մադրիդի «Ռեալից», պատմել է, թե ինչու է որոշել կարիերան շարունակել անգլիական ակումբում։
«Ինձ, ինչպես և յուրաքանչյուր ֆուտբոլիստի, կարևոր է մարզչի վստահությունը։ Դա օգնում է ոչ միայն հոգեբանական տեսակետից, այլ նաև ցանկություն է ավելացնում։ Երբ Անչելոտին եկավ «Ռեալ», ես կորցրի վստահությունը սեփական ուժերի նկատմամբ, քանի որ սեփական անձի նկատմամբ հետաքրքրություն չէի նկատում։ Չէի պատրաստվում հեռանալ, սակայն իրավիճակը դասավորվեց նման կերպ»,- ասել է Օզիլը։ Այս մասին հաղորդում է Marca-ն։
