Ֆրանսիական ծայրահեղ աջ «Ազգային ճակատ» կուսակցության առաջնորդ Մարին Լը Պենը կոչ է արել ամեն ինչ անել Եվրամիությունը կործանելու համար: Այս մասին հայտնում է gazeta.ru-ն՝ հղելով ֆրանսիական L’avenir-ին:
«Ի՞նչ պետք է անել ԵՄ-ը բարելավելու համար: Պետք է այն կործանել:»,-հայտնել է Լը Պենը:
Քաղաքական գործիչը հայտարարել է, որ պետք է սպասել այն պահին, երբ Եվրամիությունը կփլուզվի և պետք է ամեն կերպ նպաստել դրան:
Ըստ Լը Պենի, միայն դրանից հետո հնարավոր կլինի անցնել Եվրոպայի ազատ ազգերի ստեղծմանը:
Նշենք, որ 2013-ին Եվրախորհրդարանը Մարին Լը Պենին զրկել է պատգամավորական անձեռնխմելիությունից: Նրան մեղադրում են նաև ռասայական ատելություն տարածելու մեջ:
