Եվրամիությունը պատրաստ է վերանայել Կուբայի հետ դիվանագիտական հարաբերությունները դրանց սառեցումից 10 տարի անց: Այս մասին հաղորդում է France-Presse-ը` վկայակոչելով եվրոպական դիվանագիտական աղբյուրին:
«Աշխատանքային խումբ է ստեղծվել, որում ընդգրկվել են Եվրամիության 28 մասնագետ: Այն պետք է մշակի Եվրամիության և Կուբայի հարաբերությունների վերանայման սկզբունքները»,- ասվում է France-Presse-ի հայտարարության մեջ:
Նշենք, որ Եվրամիությունը սառեցրել էր Կուբայի հետ դիվանագիտական հարաբերությունները 2003 թվականին:
