Եվրոպական միությունը համաձայնել է քննարկումներ անցկացնել Ռուսաստանի և Ուկրաինայի հետ միաժամանակ. բանակցությունների սեղանին լինելու է Ուկրաինայի տարածքով գազի տարանցման հարցը: Այս մասին հաղորդում է Reuters գործակալությունը:
Վլադիմիր Պուտինին ուղղված նամակում Եվրահանձնաժողովի նախագահ Ժոզե Մանուել Բարոզուն եվրոպական 28 երկրների անունից նման առաջարկ է արել ռուսական կողմին: «Եվրոպական միությունը համաձայն է Ռուսաստանի և Ուկրաինայի հետ անցկացնել քննարկումներ բնական գազի տարանցման և մատակարարման հարցով», — ասվում է փաստաթղթում:
«Ինչ վերաբերում է գազամատակարարումներին Եվրոպա, ապա կցանկանայի հիշեցնել, որ գազի մատակարարման պայմանագրերը ստորագրվել են եվրոպական ընկերությունների և «Գազպրոմի» միջև: Այդ պատճառով անհրաժեշտ ծավալների առաքումների համար համաձայն՝ պայմանագրերի պատասխանատուն է «Գազպրոմը»», — ասվում է Եվրահանձնաժողովի նախագահի նամակում:
