Այսօր Երևան-Մոսկվա տեսակամուրջի ժամանակ Եվրասիական տնտեսական հանձնաժողովի ինտեգրման զարգացման դեպարտամենտի տնօրեն Վիկտոր Սպասկինը Հայաստանը համեմատել է Լենինգրադի մարզի ու Մալթայի հետ՝ պատասխանելով հարցին, թե ինչպես է լուծվելու ընդհանուր սահմանի բացակայության հարցը, եթե Հայաստանը այնուամենայնիվ մտնի Մաքսային Միություն: «Վերցրեք Մալթայի օրինակը, որ սահման չունի Եվրոպական միության հետ: Նման օրինակներ կան մեզ մոտ էլ, օրինակ՝ Լենինգրադի երկրամասը»,- հայտարարեց Սպասկինը:
Նրա խոսքով՝ Հայաստանը Մաքսային միության երկրների հետ կապվելու է Վրաստանի միջոցով: Հիշեցնենք սակայն, որ Վրաստանը պատրաստվում է մտնել ԵՄ ազատ առևտրի գոտի, որտեղ գործելու են բացառապես ԵՄ տեխնիկական չափանիշներն ու որակի ստանդարտները:
