ԲՀԿ խմբակցության պատգամավոր Տիգրան Ուրիխանյանի կարծիքով՝ նորաստեղծ «Քաղաքացիական պայմանագիր» միավորումը հեռանկարային է:
«Որպես այդպիսին, քաղաքական ուժի մասին խոսելը, կարծում եմ դեռ ժամանակից շուտ է, բայց որպես Նիկոլ Փաշինյանի նախաձեռնություն, կարող եմ ասել, որ իր գործողություններն անշուշտ հարգանքի արժանի են, ուշագրավ են, եւ ես տեսնում եմ դրանում որոշակի հեռանկար»,-ասում է Ուրիխանյանը Araratnews.am-ի հետ զրույցում:
Հիշեցնենք, որ երեկ տեղի էր ունցել ԱԺ պատգամավոր Նիկոլ Փաշինյանի «Քաղաքացիական պայմանագիր» միավորման՝ կառավարման խորհրդի ասուլիսը: Հայաստանի քաղաքական դաշտում սա նոր քաղաքական միավորում է:
