ՀՀԿ-ական պատգամավոր Մկրտիչ Մինասյանը՝ պատասխանելով լրագրողների հարցին, թե ինչ հետևանքներ կունենա փաստացի հարուստներից բաղկացած կառավարությունը, ասաց, որ իրեն չի հետաքրքրում ուրիշների ունեցվածքը:
«Շատ փող ունենալը դեռևս չի նշանակում լինել հարուստ, նշանակում է լինել ունևոր: Ես ինձ իրավունք չեմ վերապահում մարդկանց ունեցվածքը հաշվելու: Ես իմ ընկերների, իմ հարազատների ունեցվածքի մասին տեղեկություններ ունեմ: Իսկ ինչ վերաբերում է, որ ժամանակին մարդկանց հարազատները, բարեկամները, ընկերները բիզնեսով են զբաղվել և հարստացել, են, դրանում որևէ վատ բան չկա»,- նշեց Մինասյանը:
