Եվրամիությունը և Միացյալ Նահանգներն իրենց անհանգստությունն են արտահայտել Ուկրաինայի խորհրդարանի կողմից ընդունված մի շարք վիճարկելի օրենքների առնչությամբ: Այս օրենքները, քննադատների խոսքերով, խախտում են խաղաղ բողոքի ցույցերի և խոսքի ազատության իրավունքը, հաղորդում է BBC-ն:
Այսօր Բարձրագույն Ռադայում ձեռքերը վեր բարձրացնելու միջոցով քվեարկելով՝ բողոքի ցույցերին մասնակցելու դեմ օրենք է ընդունվել:
Ուկրաինայի ընդդիմությունը հայտարարել է, որ փաստաթուղթն ուղղված է բողոքի ակցիայի մասնակիցների դեմ: Մասնավորապես, նոր օրենքով հինգ ավտոմեքենաներից կազմված շարասյունով շարժվելը կպատժվի երկու տարով վարորդական իրավունքից զրկելով:
