Եվրամիությունը և Ուկրաինան Վիլնյուսում ընթացող «Արևելյան համագործակցության» գագաթնաժողովի ժամանակ վավերացրել են օդային հաղորդակցության մասին համաձայնությունը: Այս մասին տեղեկացվել է Եվրամիությունում Լիտվայի ներկայացուցչության պաշտոնական կայքէջում:
Հաղորդվում է, որ այս համաձայնությունը ճանապարհ է բացում Եվրոպայի և Ուկրաինայի միջև օդային ընդհանուր տարածք ստեղծելուն, որը հիմնված կլինի ընդհանուր չափանիշների վրա:
Այս համաձայնությունը նոր հնարավորություններ կբացի նաև երկու կողմերի ավիաընկերությունների և դրանց հաճախորդների միջև:
