Եվրամիության արտաքին գործերի նախարարները Բրյուսելում կայացած համատեղ նիստում կողմ են արտահայտվել Վրաստանի հետ շրջանակային համաձայնագրի ստորագրմանը, որը թույլ կտա այդ երկրի զինված ուժերին ներգրավվել ԵՄ խաղաղապահ գործողություններին: Այս մասին հաղորդում է APNSY.ge-ն:
«Նախարարները կողմ են արտահայտվել համաձայնագրի ստորագրմանը, որը սահմանում է այն շրջանակները, որոնք թույլ կտան Վրաստանին մասնակցել ԵՄ խաղաղարար գործունեությանը», — ասել է գործակալության աղբյուրը: Այս համաձայնագրի նախագիծը քննարկվել է դեռևս 2012 թվականի նոյեմբերին, երբ Վրաստան այցելած ԵՄ արտաքին հարաբերությունների գլխավոր հանձնակատար Քեթրին Էշթոնն առաջարկել էր Վրաստանին միանալ ԵՄ խաղաղապահ գործողություններին:
