Եմենում շիայական «Ալ-Հուսի» ցեղային դաշինքի զինյալները, խախտելով զինադադարի մասին պայմանավորվածությունը, կրակ են բացել Դամաջ բնակավայրի վրա, որը բնակեցված է սալաֆիներով: Հարձակման հետևանքով առնվազն չորս հոգի մահացել է: Այս մասին տեղեկացնում են տեղական լրատվամիջոցները:
Սալաֆիական եմենցիների ներկայացուցիչ Սուրուր Ալ-Վադային հայտնել է, որ չնայած կրակոցներին, Դամաջ են ժամանել Կարմիր խաչի միջազգային կոմիտեի չորս ավտոմեքենաներ՝ վիրավորներին տարհանելու համար: Սակայն, ինչպես նշել է Ալ-Վադային, փոխադրամիջոցները բավարար չեն, քանի որ վիրավորների թիվը հասնում է 200-ի:
