Եմենի մայրաքաղաք Սանայում անհայտ անձինք գնդակահարել են իրանցի դիվանագետի։ Այս մասին հաղորդում է «Ալ-Ջազիրան»։
Հանցագործները կրակ են բացել ավտոմեքենայից, որից հետո դիմել են փախուստի։ Դիվանագետի անունը չի նշվում, սակայն «Ալ-Ջազիրայի» ունեցած տեղեկությունների համաձայն՝ խոսքը գնում է Սանայում Իրանը ներկայացնող բարձրաստիճան դիվանագետի մասին։
Նշենք, որ սա առաջին դեպքը չէ, երբ Եմենում հարձակվում են իրանցի դիվանագետների վրա։
