Էկվադորի նախագահ Ռաֆայել Կորեան հայտարարել է, որ WikiLeaks-ի հիմնադրի վերաբերմամբ Մեծ Բրիտանիան խախտում է մարդու իրավունքները, և այդ պատճառվ Ջուլիան Ասանժը կմնա Էկվադորի դեսպանատանը: Այս մասին նա տեղեկացրել է Agence France-Presse գործակալությանը տված հարցազրույցում:
Նա նշել է. «Իրավիճակը բիրտանական իշխանությունների վերահսկողության տակ է: Եթե պահանջվի, որ Ասանժն Էկվադորի դեսպանատանը 30 տարի մնա, նա այդ 30 տարվա ապաստանը կստանա, բայց բրիտանական իշխանությունների կողմից նմանատիպ գործողությունները մարդու իրավունքների խախտում են»,- հայտարարել է Կորեան:
