Բրազիլիայի հավաքականի նախկին ֆուտբոլիստ Ռոնալդոն նշել է, որ կցանկանար Մունդիալ 2014-ի եզրափակիչում տեսնել Բրազիլիայի և Արգենտինայի հավաքականներին։ Նրա խոսքերով՝ բոլոր երկրպագուները կցանկանային նման խաղ տեսնել։
«Վստահ եմ, որ եզրափակիչում խաղալու են Բրազիլիան և Արգենտինան։ Իհարկե, բոլոր երկրպագուներն են ցանկանում տեսնել այս խաղը։ Եթե Բրազիլիան հաղթի, ապա դա երազի պես բան կլինի», — ասել է Ռոնալդոն։ Այս մասին հաղորդում է Marca-ն։
Հիշեցնենք, որ Ռոնալդոն ավելի վաղ համեմատել էր Նեյմարին և Մեսսին՝ նշելով, որ մրցաշարում առայժմ ավելի լավ է խաղում Նեյմարը։
