Եգիպտոսում «Մուսուլման եղբայրների» թերթը՝ «Ազատություն և արդարությունը», երկրի ներքին գործերի նախարարության հրահանգով դադարեցրել է իր գործունեությունը:
Ներքին գործերի նախարարության կարգադրությամբ՝ թերթի տպագրությունը դադարեցվել է, և ամբողջ տպաքանակը առգրավվել, հայտնում է ИТАР-ТАСС-ը:
Որոշումը կայացվել էր այն բանից հետո, երբ Կահիրեի Ալ-Ազհար համալսարանի դիմաց պայթյուն էր որոտացել:
Հիշեցնենք, որ չորեքշաբթի օրը Եգիպտոսի կառավարությունը «Մուսուլման եղբայրներ» կազմակերպությունը պաշտոնապես ճանաչեց որպես ահաբեկչական խմբավորում:
