Եգիպտոսից արտաքսվել է Խաղաղության Նոբելյան մրցանակակիրը

Եգիպտոսի իշխանություններն արտաքսել են Խաղաղության Նոբելյան մրցանակակիր, իռլանդուհի Մայրիդ Քորիգան-Մագուայրը։ Այս մասին հաղորդում է Agence France-Presse-ը։

Արտաքսման մասին որոշումը կայացվել է այն բանից հետո, երբ կինը որոշել է Գազայի հատված այցելելու նպատակով միանալ իրավապաշտպան ակտիվիստների պատվիրակությանը։

«Օդանավակայանում մեզ ավելի քան 8 ժամ հարցաքննեցին։ Այնուհետև ասացին, որ մեզ թույլ չեն տա մտնել Եգիպտոս, և նույն ինքնաթիռով հետ ուղարկեցին», — հայտարարել է Քորիգան-Մագուայրը։