Եգիպտոսի իշխանությունները որոշում են կայացրել նվազեցնել Թուրքիայի հետ դիվանագիտական հարաբերությունների աստիճանը` Թուրքիայի իշխանություններից պահանջելով հետ կանչել Կահիրեում իրենց դեսպանին: Պաշտոնական Կահիրեն, իր հերթին, հետ է կանչել Անկարայում իր դիվանագիտական ներկայացուցչության ղեկավարին: Այս մասին հաղորդում է Reuters գործակալությունը:
Նման հայտարարությամբ է այսօր հանդես եկել Եգիպտոսի արտաքին գործերի նախարարությունը: Այլ մանրամասներ չեն հաղորդվում:
Հիշեցնենք, որ հուլիսին Եգիպտոսում նախագահ Մուրսիի պաշտոնանկությունից հետո սրվել են թուրք-եգիպտական հարաբերությունները, քանի որ Էրդողանի կառավարությունը 2011 թվականի հեղափոխությունից հետո իր աջակցությունն էր հայտնել «Մուսուլման եղբայրներ» կազմակերպությանը:
