Եվրոպայի անվտանգության և համագործակցության խորհրդի դիտորդական առաքելությունը դատապարտել է Դոնեցկի շրջանի Մարիուպոլ քաղաքում արձանագրված բռնությունները։ Առաքելության ղեկավար Արթուղրուլ Ապականը կոչ է արել ցուցաբերել զսպվածություն և քայլեր ձեռնարկել իրավիճակի լարվածությունը թուլացնելու համար։ Այս մասին հաղորդում է RIA-Novosti գործակալությունը։
«Ես դատապարտում եմ բռնությունները և կոչ եմ անում բոլոր կողմերին ցուցաբերել առավելագույն զսպվածություն», — ասել է Ապականը։
Նա հայտարարել է, որ կողմերը պետք է թուլացնեն լարվածությունը, քանի որ դրա հետևանքով կան բազմաթիվ զոհեր։
Ավելի վաղ հաղորդվել էր, որ երեկ տեղի ունեցած բախումների ժամանակ զոհվել է 7 մարդ։ Ուկրաինայի ներքին գործերի նախարար Արսեն Ավակովի խոսքերով՝ ահաբեկիչները տվել են 20 զոհ։
