Դռան դիմացի փալասը կօգնի պայքարելու գողերի դեմ

Իսպանիայում արտադրվող «Գողերի դեմ» փալասները կօգնեն տանտերերին արագ իմանալ իրենց տանը կատարվող տհաճ զարգացումների մասին։ Tag Ingenieros-ը ընկերությունն արտադրում է դռան դիմացի փալասներ, որոնք տեղյակ են պահում գողության մասին։

Ընդ որում, էլեկտրոնային փալասները տան տիրոջը տեղյակ են պահում ոչ միայն անցանկալի հյուրերի, այլև տանից անհետացող իրերի մասին։ Բանն այն է, որ եթե տան կահույքի կամ այլ իրերի վրա ամրացված սարքերն անսպասելի հատում են տան շեմը, ապա տանտերն անմիջապես իմանում է սրա մասին։