Լույս է տեսել «Doctor Who» լեգենդար սերիալի նոր տասներկուերորդ եթերաշրջանի թրեյլերը: Տեսանյութը հրապարակվել է սերիալի YouTube-ի պաշտոնական ալիքով:
Նորացված բրիտանական գիտաֆանտաստիկ սերիալի եթերաշրջանը բաղկացած կլինի 10 սերիայից և մեկ հատուկ դրվագից:
Հայտնի է, որ դերասանուհի Ջոջի Ուիթաքերը կրկին հանդես կգա բժշկի դերում:
11-րդ եթերաշրջանում առաջին անգամ բժշկի դերը մարմնավորել է կին`Ջոջի Ուիթաքերը: Սյուժեի մանրամասները հեղինակները դեռևս չեն բացահայտել:
Սերիալի պրեմիերան կլինի 2020 թվականի առաջին կեսին:
