Այսօր Դոնեցկում շարունակվել են հակաահաբեկչական գործողությունները: Ուկրաինայի զինված ուժերը հայտնում են, որ Դոնեցկի շրջանում գործող զինված խմբավորումներից մաքրելու օպերացիան լինելու է շարունակական, մինչև որ վերջ դրվի, այսպես կոչված, Դոնեցկի ժողովրդական հանրապետությանն ու Լուգանսկի ժողովրդական հանրապետությանը:
Այն, որ այս շրջաններում գործում են օտարերկրյա, մասնավորապես, ռուսաստանցի վարձկաններ, հաստատում են դիահերձարաններում և հիվանդանոցներում հայտնված Չեչնիայի և Մոսկվայի բնակիչները: Դոնեցկի քաղաքապետ Ալեքսանդր Լուկյանչենկոն հայտնել է, որ այս պահին հիվանդանոցներում գտնվող մոտ 50 վիրավորներից 8-ը ՌԴ բնակիչներ են, այդ թվում` Չեչնիայի:
Սոցցանցերը հաղորդում են, որ Դոնեցկի դիահերձարանը լի է մահացածներով, վիրավորվել են բազմաթիվ խաղաղ բնակիչներ, այդ թվում երեխաներ:
