Հոկտեմբերի 6-ին մեկնարկեց ԴիջիԹեք Էքսպո 2019՝ տարվա ամենասպասված ՏՏ միջոցառումը։ Այս տարին հոբելյանական է ԴիջիԹեքի համար․ արդեն 15 տարի է՝ ՀՀ վարչապետի բարձր հովանու ներքո, Առաջատար տեխնոլոգիաների ձեռնարկությունների միության նախաձեռնությամբ, ցուցահանդեսը միավորում և ներկայացնում է հայկական տեխնոլոգիական ձեռքբերումներն ու նորարարական գաղափարները։
Երևանի Մաթեմատիկական մեքենաների գիտահետազոտական ինստիտուտի («Մերգելյան») Երևան Էքսպո կենտրոնում այս տարի ցուցահանդեսին մասնակում էին ավելի քան 120 հայկական և միջազգային ընկերություններ։ 2019֊ի ԴիջիԹեքը կրկնակի կարևոր ու ոգեշնչող էր, քանի որ միաժամանակ տեղի էր ունենում WCIT 2019֊ը (World Congress on Information Technology): WCIT 2019-ի ավելի քան 2000 ներկայացուցիչներ շուրջ 70 երկրներից այցելեցին նաև ԴիջիԹեք՝ նախատեսված փոխադրումներով։
ԴիջիԹեքը ցուցահանդեսն այս տարի առանձնանում էր նաև ավելի ընդարձակված ձևաչափով․ բազմաթիվ նորաստեղծ ստարտափեր, ինժեներական և ռազմարդյունաբերական ընկերություններ նույնպես հնարավորություն են ստացել իրենց տաղավարներում ներկայացնել իրենց մատուցած ծառայությունները և ցուցադրել իրենց ստեղծած արտադրանքը։ Ի լրումն նորարարական տեխնոլոգիական լուծումների ցուցադրության, ՏՏ ընկերությունները ԴիջիԹեքի ընթացքում ոլորտի նորեկներին նաև տրամադրում էին փորձի փոխանակում և ռեսուրսներ՝ իրենց հաջողությանը հասնելու ճանապարհին մի քանի քայլ առաջ անցնելու հնարավորությամբ։ ԴիջիԹեքի մասնակիցների շարքում էր նաև Գինոսի հյուրանոցային կառավարման տեխնոլոգիայի և ծառայությունների նորարարական ընկերությունը, որը ԴիջիԹեքին մասնակցության չորս օրերին բոլոր այցելուներին հնարավորություն տվեց մասնակցելու քովորքինգի խաղարկության։ Ինչպես գիտենք, օգոստոսին Գինոսին մեծ շուքով ներկայացրեց իր նոր գրասենյակը նորակառույց նորաձև շենքում։
ԴիջիԹեքը շարունակվեց մինչև հոկտեմբեր 9֊ը ներառյալ, մասնակցությունն անվճար էր, ընդամենը անհրաժեշտ էր նախապես գրանցվել digitec.am կայքում:
