Սահմանադրական դատարանի այսօրվա որոշումից հետո «Դ!եմ եմ» շարժումը չի թուլանալու: Այս մասին Araratnews.am-ի հետ զրույցում ասաց «Դ!եմ եմ» շարժման անդամ, ծրագրավորող Գեւորգ Գյորգիսյանը:
Նշենք, որ այսօր Սահամանադրական դատարանը հրապարակեց իր որոշման եզրափակիչ մասը, ըստ որի հակասահմանադրական է ճանաչել օրենքի մի շարք հոդվածներ, այդ թվում «պարտադիր» բաղարդրիչը:
«Դ!եմ եմ» շարժումը չի թերանալու եւ չի թուլանալու սրանից հետո, այլ հակառակը ուժեղանալու է, որովհետեւ մինչեւ սեպտեմբերի 30-ը գործադիրին եւ օրենսդիրին ժամանակ է տված օրենքի նոր տարբերակի մշակման եւ օրենքից հակասահմանադրական կետերի հեռացման համար: Այս ընթացքում մենք պետք է ավելի զգոն լինենք, ավելի ակտիվ եւ թույլ չտանք հերթական ապազգային, հակասոցիալական օրենք մշակելուն»,-ասաց Գյորգիսյանը:
