Մադրիդի «Ռեալի» գլխավոր մարզիչ Զինեդին Զիդանը Լա լիգայի 9-րդ տուրի «Մալյորկայի» դեմ կայանալիք հանդիպմանն ընդառաջ կայացած մամուլի ասուլիսի ժամանակ անդրադարձել է մի շարք թեմաների: Այս մասին տեղեկացնում է armsport.am-ը:
«Վաղը մեզ բարդ հանդիպում է սպասվում: Մենք գիտենք, թե ինչ է եղել նախորդ երկու շաբաթների ընթացքում: Մի քանի ֆուտբոլիստներ վնասվածքներ են ստացել: Արդեն երկու օր է, ինչ բոլորը վերադարձել են: Վաղը կարևոր օր է: Պոգբայի հետ հանդիպո՞ւմը: Կար հնարավորություն, նա այնտեղ էր, և քանի որ մենք ճանաչում ենք միմյանց, հանդիպեցինք: Դա անձնական է: Հունվարին կլինեն նոր հնարավորություններ: Երբ օրը գա, մենք կորոշենք ամեն բան»,- Զիդանի խոսքերն է մեջբերում Marca-ն:
