Վերաքննիչ քրեական դատարանն այսօր շարունակեց դատախազության` Ռոբերտ Քոչարյանի պաշտպաններին «Մարտի 1»-ի գործի ամբողջական նյութերի տրամադրման դեմ բողոքի քննությունը։
Մեղադրող դատախազն ասաց, որ առաջին ատյանի դատարանը հանրային շահը ստորադասել է, հետևաբար՝ դատարանի որոշումը «Մարտի 1»-ի գործի նյութերը մեղադրվողին տալու որոշումը պետք է բեկանվի։ Ըստ Պետրոսյանի՝ մեղադրյալը կարող է ծանոթանալ այն գործի նյութերին, որի շրջանակներում իրեն մեղադրանք է առաջադրվել։
Ռ․ Քոչարյանի պաշտպան Հովհաննես Խուդոյանի խոսքով՝ պաշտպանական կողմին տրամադրված հատորներում ներկայացված ցուցմունքներն ամբողջական չեն։
Պաշտպանն ընդգծեց, որ դատախազությանն ու Քննչական ծառայությանը վստահելու որևէ հիմք չունեն։
Պաշտպանի խոսքով՝ «Մարտի 1»-ի գործի բացահայտումը հանրային պահանջ է:
Դատարանն ավարտեց բողոքի քննությունը և հեռացավ խորհրդակցական սենյակ՝ դատական ակտ կայացնելու։ Այն կհրապարակվի փետրվարի 6-ին, ժամը 10:30-ին։
