ԱՄՆ-ի դաշնային դատարանը Արթուր Կոնան Դոյլի ժառանգներին զրկել է հայտնի գրողի՝ Շերլոք Հոլմսի մասին 50 ստեղծագործությունների նկատմամբ իրավունքից։ Այս մասին գրում է The New York Times-ը։
Դատարանի որոշման մեջ ասվում է, որ այդ որոշումը վերաբերում է մինչև 1923 թվականի հունվարի մեկը գրված աշխատանքներին։ Այժմ Շերլոք Հոլմսի և Բժիշկ Վաթսոնի կերպարները կարող են օգտագործվել այլ հեղինակների կողմից՝ առանց հեղինակային իրավունքների համար վճարումների։ Արթուր Կոնան Դոյլի ժառանգների փաստաբանն ասել է, որ իր հաճախորդները քննարկում են վերաքննիչ դատարան հայց ներկայացնելու նպատակահարմարությունը։
