Երևանում դանակահարել են 14–ամյա պատանու։ Նա հիվանդանոցում է։
Ինչպես գրում է armeniasputnik.am-ը, դանակահարված պատանին տեղափոխվել է «Սուրբ Աստվածամայր» բժշկական կենտրոն։ Տուժածը բնակվում է Երևանում և սովորում մայրաքաղաքի դպրոցներից մեկում։
Ըստ շրջանառվող որոշ լուրերի՝ անչափահասը վնասվածքը ստացել է դպրոցում։ Աշակերտներից մեկը դանակով անզգույշ շարժում է արել, ինչի հետևանքով էլ մյուսը վնասվածք է ստացել։
Արդյո՞ք սա է իրականությունը, թե՞ աշակերտների միջև դանակահարությամբ հանգուցալուծված միջադեպ է տեղի ունեցել, կպարզեն իրավապահները։
Նշվում է, որ իրավապահներին հայտնի է մյուս աշակերտի ինքնությունը։
