Երեկ Սիրիայի մայրաքաղաք Դամասկոսի արվարձաններից մեկում տեղի է ունեցել հզոր պայթյուն, որի մասին տեսանյութերն արդեն հայտնվել են համացանցում։ Այս մասին հաղորդում է BBC-ն՝ հղում կատարելով Բրիտանիայում գործող «Մարդու իրավունքների մոնիտորինգի սիրիական կենտրոն» կազմակերպությանը։
Կառավարությունն ու ապստամբները մեկը մյուսին մեղադրում են այս հանցագործության մեջ։ Պետական հեռուստատեսությունը հայտնել է, որ ռումբը տեղադրել են ապստամբները, սակայն այն ժամանակից շուտ է գործել։ Ապստամբներն, ովքեր վերահսկում են այդ շրջանը, հայտնել են, որ ահաբեկչության հետևում կանգնած է Բաշար Ալ-Ասադի ռեժիմը։
