Իրաքի հյուսիսում գործող «Իրաքի և Լևանտի իսլամական պետություն» խմբավորման անդամները թողարկել են հրովարտակ՝ ֆեթվա, որով պարտադրելու են իրենց վերահսկողության տակ գտնվող շրջանների կանանց ենթարկվել բռնի թլփատման։ Այս մասին հաղորդում է BBC-ն՝ հղում կատարելով ՄԱԿ-ի ներկայացուցիչ Ժաքլին Բեդքոքին։
Վերջինս այս կապակցությամբ իր լուրջ մտահոգությունն է հայտնել։ Ըստ Բեդքոքի՝ թողարկված ֆեթվան կարող է վերաբերել մոտ 4 մլն կանանց և աղջիկների։ Իրաքում թլփատումն ամենևին էլ չի համարվում սովորական երևույթ։ Գրոհայինների այս որոշումը բուռն դժգոհություն է առաջացրել ամբողջ արաբական աշխարհում և հատկապես՝ սոցցանցերում։
