Թարգմանչաց տոնի առթիվ հոկտեմբերի 14-ին, ժամը 15:00-ին, Հայաստանի ազգային գրադարանի թամանյանական մասնաշենքի մեծ ցուցասրահում տեղի կունենա թարգմանության զարգացման պատմությունն արտացոլող գրականության ցուցադրություն:
Կներկայացվեն հայ գրողների գրքերի՝ օտար լեզուներով թարգմանություններ՝ ամենահին հրատարակություններից մինչև ամենանորերը:
Ցուցադրությանը կհետևի մանկավարժ, թարգմանիչ Արմինե Փիլոյան-Վրտեսկայի կազմած և նկարազարդած երկլեզու՝ հայերեն-մակեդոներեն «Այբբենարանի» և «Հայերենի աշխատանքային տետր»-ի շնորհանդեսը:
Նոր տիպի դասագրքերը նախատեսված են Մակեդոնիայի հայ համայնքի ներկայացուցիչների, հայկական կիրակնօրյա դպրոցում սովորողների համար, որտեղ դասավանդում է հեղինակը:
