Այսօր Ազգային Ժողովի նիստին ձայների մեծամասնությամբ ընդունվեց «Հեռուստատեսության եւ ռադիոյի մասին» եւ «Գովազդի մասին» օրենքում փոփոխություններ կատարելու վերաբերյալ նախագիծը:
Նախաձեռնությանը կողմ քվեարկեցին 85 պատգամավորներ, դեմˋ 5, ձեռնպահˋ 18:
Մինչ օրենքի նախագծի քվեարկությունըˋ վարման կարգի վերաբերյալ խոսքով հանդես եկավ ՀԱԿ խմբակցության ղեկավար Լեւոն Զուրաբյանը:
«Ընդհանուր առմամբ ընդունելով առաջարկված օրենքի կոնցեպցիան, Կոնգրեսի խմբակցությունը ձեռնպահ է քվեարկելու, որովհետեւ այսօր գովազդի շուկայում տիրում է մեկ մարդու մենաշնորհˋ Միքայել Մինասյանի մենաշնորհը»,- ասաց Զուրաբյանը, այնուհետեւ չհասցրեց արտահայտել իր հաջորդ միտքը, քանի որ նրա խոսափողը անջատեցին:
