Ջորջիայի տեխնիկական համալսարանի գիտաշխատողներին հաջողվել է այն, ինչ մասնագետներին չէր հաջողվում 1960թ.-ից ի վեր՝ վերծանել դելֆինների լեզուն: Այս մասին հաղորդում է Mignews-ը:
Ինչպես հայտնի է դարձել՝ նրանք գտել են դելֆինների լեզուն վերծանելու համար անհրաժեշտ բանալին: Նման հաջողության գիտնականները հասել են գերձայնային ընկալիչի և հիդրոֆոնի կատարելագործված տարբերակներից մեկի օգտագործման շնորհիվ:
Մասնագետները պատմել են, որ այս հայտնագործությունը չափազանց հեռանկարային է: Նրանք արդեն կարողացել են պարզել, որ երբ դելֆինները լողում են ջրիմուռների կողքով, նրանցից մեկն արձակում է մի ձայն որ վերծանվում է իբրև Sargassum, ինչը ջրիմուռների տեսակի անվանում է:
Եվ, չնայած այն հանգամանքին, որ ուսումնասիրություններն այս ուղղությամբ միայն նոր են սկսվում, հնարավոր է, որ շուտով մենք կարողանանք խոսել դելֆինների հետ:
