Գերմանիայում անցկացվել են երկրի խորհրդարանի՝ Բունդեսթագի նախագահի ընտրությունները: Պաշտոնում կրկին հաստատվել է Քրիստոնեա-դեմոկրատական կուսակցության ներկայացուցիչ Նորբերտ Լամմերթը (Norbert Lammert): Նրա օգտին է քվեարկել 624 պատգամավորից 591-ը: Այս մասին հայտնում է Reuters-ը:
64-ամյա Լամմերթը երրորդ անգամ անընդմեջ զբաղեցնում է այդ պաշտոնը՝ առաջին անգամ այն ստանձնելով 2005-ին: Բունդեսթագի նախագահի պաշտոնը համարվում է երկրում երկրորդ կարևորագույնը:
