Ավստրալիայի ոստիկանությունը հայտնաբերել է երկու շաբաթ առաջ տեղի անապատներից մեկում անհետացած գերմանացի զբոսաշրջիկին։ Վերջինս պատմել է, որ կարողացել է կենդանի մնալ, քանի որ սնվել է միջատներով։ Այս մասին հաղորդում է BBC-ն։
Դանիել Դուդիջը փետրվարի վերջին ոտքով սկսել է ճամփորդել Ավստրալիայի արևելյան մասում, սակայն չի կարողացել դուրս գալ անապատից գետերի վարարման պատճառով։ Նրան հայտնաբերելուց հետո Դուդիջն ասել է, որ ավստրալիական անապատում այնքան ճանճեր կան, որ այստեղ սովից մահանալն անհնար է։
Գերմանացին ամենևին էլ չի պատրաստվում հրաժարվել ճամփորդությունից այդ մայրցամաքում։
