Գերմանական Բավարիայում գտնվող Դիտրամսցել քաղաքի իշխանությունները որոշում են ընդունել զրկել Ադոլֆ Հիտլերին պատվավոր քաղաքացու կոչումից՝ հիմնվելով քաղաքի բնակիչների բազմաթիվ բողոքների վրա: Այս մասին հայտնում է BBC-ն:
Դեռ անցած շաբաթ քաղաքային խորուրդը բարձրացրել էր այդ հարցը, սակայն քվեարկության ընթացքում պատգամավորների ձայները հավասար էին բաշխվել, ինչի հետևանքով որոշում չէր կայացվել:
Քաղաքային խորհրդի որոշ ներկայացուցիչներ հայտարարել էին, որ Հիտլերին պատվավոր քաղաքացու կոչումից զրկելը պատմության խեղաթյուրում կնշանակի:
Նշենք, որ Բավարական քաղաքը Հիտլերին պատվավոր քաղաքացու կոչումը շնորհել էր 1933-ի մարտին:
