Գետերն ու առուներն ավելի շատ ածխաթթու գազ են արտադրում, քան լճերն ու ջրավազանները միասին վերցրած: Այսպիսի եզրակացության են եկել կանադական Վաթերլոո համալսարանի գիտնականները:
Նրանք մասնավորապես պարզել են, որ ամեն տարի գետերն ու առուները մթնոլորտ են արտանետում 1,8 մլրդ տոննա ածխաթթու գազ, մինչդեռ լճերն ու ջրավազանները` 0,32 մլրդ տոննա: Սակայն նրանք նշում են, որ այս առանձնահատկությունը բնորոշ է Երկիր մոլորակի հյուսիսային կիսագնդի երկրներում:
Գիտնականները նաև նշում են, որ այս օրինաչափությունը, հնարավոր է, բնորոշ է ամբողջ երկրագնդի համար, սակայն նրանք պատրաստվում են դեռ ստանալ դրա ապացույցները:
