Վրաստանի վարչապետ Գեորգի Գախարիան հերքել է ԶԼՄ-ներում վերջին շաբաթ ակտիվորեն քննարկվող լուրերն առ այն, որ պատրաստվում է հրաժարական տալ, հայտնում է Ria.ru-ն։
«Ես կմնամ վարչապետի պաշտոնում»,-հայտարարել է նա։
Նրա խոսքով՝ իր համար կարևոր չէ, թե ով և ինչ նպատակով է տարածել այդ լուրերը, բայց այդ հարցը նրան այնքան են տվել, որ իր մոտ արդեն «իմունիտետ» է ձևավորվել։
Գախարիան նաև նշել է, որ չի կառչում կառավարության ղեկավարի պաշտոնից։
