Իտալական «Միլան» ֆուտբոլային ակումբի նախագահ Ադրիանո Գալիանին հրավեր է ստացել ղեկավարելու չինական «Գունաչժոու Էվըրգրանդ» ակումբը։ Այս մասին հաղորդում է Tuttosport-ը։
Ըստ նույն աղբյուրի՝ իտալացի ֆուտբոլային գործի անվանի մասնագետին չինական ակումբ հրավիրելու գաղափարը նրա հայրենակից, չինական թիմի գլխավոր մարզիչ Մարչելո Լիպիին է։ Ապրիլի 16-ին «Միլանի» տնօրենների խորհուրդը քննարկելու է այս հարցը։
«Միլանի» անհաջողություններից հետո Բեռլուսկոնի ընտանիքը, որին պատկանում է իտալական ակումբը, ավելի հաճախ է հայտարարում Գալիանիի հնարավոր պաշտոնանկության մասին։
