Հունիսի 27-ին, ժամը 19։16-ին Ճգնաժամային կառավարման ազգային կենտրոն ահազանգ է ստացվել, որ Երևանի Խաղաղ Դոնի փողոցի թիվ 9 շենքի մոտակայքում գտնվող ավտոմեքենայից առկա է գազի արտահոսք, վարորդը բացակայում է:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։
Փրկարարները փակել են «Mercedes-Benz» մակնիշի ավտոմեքենայի (վարորդ՝ Վաղինակ Հ․) գազի բալոնի փականը և իրականացրել հերթապահություն՝ մինչ վարորդի մոտենալը:
