Բրյուսելի կենտրոնում կտեղադրվի 17 մետր բարձրությամբ ամանորյա եղևնի, գրում է Le Soir-ը: Բելգիայի մայրաքաղաք իշխանությունները, հաշվի առնելով անցյալ տարվա չհաջողված փորձը, այս անգամ որոշում են կայացրել կենտրոնական հրապարակում ավանդական եղևնի կանգնեցնել:
Հիշելով նախորդ տարվա փորձը, երբ եղևնու փոխարեն քաղաքի կենտրոնում կանաչ լույսերով էլեկտրական տոնածառ էր կառուցվել, որը մեծ դժգոհությունների ալիք էր բարձրացրել, բելգիական մայրաքաղաքի իշխանությունները որոշել են տոնի գլխավոր զարդը փորձարկումների դաշտի չվերածել և հավատարիմ մնալ ավանդույթներին:
