Տնտեսագիտական վիճակագրության համաձայն՝ այսօր Բրիտանիայի տնտեսությունը առաջ է Հնդկաստանից և Բրազիլիայից, բայց հետ է մնում Ֆրանսիայից և Գերմանիայից: Սակայն տվյալները նաև խոսում են այն մասին, որ 2030 թվականին Բրիտանիայի տնտեսությունը ամենազարգացածը կլինի Եվրոպայում,- հաղորդում է Dailymail-ը:
Տնտեսական առումով այսպիսի զարգացումը Բրիտանիան կարձանագրի 2008 թվականի ճգնաժամից հետո արագ վերականգնման շնորհիվ: Վերջին շրջանում երկիրը 1.4% զարգացման աճ է գրանցել:
Տնտեսական ցուցանիշով Բրիտանիան Ֆրանսիայից առաջ կանցնի արդեն հինգ տարի հետո: Իսկ 2030-ին Բրիտանիան ի զորու կլինի առաջ անցնել նաև Գերմանիայից՝ դրանով դառնալով Եվրոպայի ամենահզոր երկիրը:
