 Բրիտանիան և Իրանը դիտարկում են ամենամոտ ժամանակներում Լոնդոնում և Թեհրանում դեսպանատներ բացելու հնարավորությունները,- հայտարարել է Մեծ Բրիտանիայի Միացյալ Թագավորության արտաքին գործերի նախարար Ուիլյամ Հեյգը: Այս մասին հաղորդում է BBC գործակալությունը: Երկու երկրների միջև դիվանագիտական կապերը սառել են 2011 թվից:
Հեյգը տեղեկացրել է բրիտանական խորհրդարանին, որ հարաբերությունների վերականգնման առաջին փուլի շրջանակներում արդեն ժամանակավոր հավատարմատար է նշանակվել: Ըստ նրա՝ Իրանում Հասան Ռոհանիի իշխանության գալուն պես Իրանի հետ բանակցությունների ձևաչափը կտրուկ փոփոխության է ենթարկվել:
|
