Բրազիլիայի նախագահը վարակվել է կորոնավիրուսով

«Նախագահ Ժաիր Բոլսոնարուն հուլիսի 7-ին հայտարարել է, որ «Քովիդ-19»-ի համար հանձնած թեստը դրական պատասխանով է եկել», — պետության ղեկավարի հայտարարությունը մեջբերում է G1 պորտալը։

ՌԻԱ Նովոստիի փոխանցմամբ՝ աղաքական գործիչը նշել է, որ իրեն լավ է զգում:

Բոլսոնարին վարակվելու ախտանշանների մասին հայտնել էր նախօրեին։

Նախագահը պատմել է, որ իր ջերմությունը բարձրացել է մինչեւ 38 աստիճան, մագնիսառեզոնանսային տոմոգրաֆիան թոքերի հետ կապված խնդիրներ չի հայտնաբերել

Բրազիլիայի առաջնորդը բազմիցս հայտնվել է փողոցում՝ առանց դիմակի եւ ձեռնոցների։ Հանրահավաքներում եւ ցույցերում նա շփվել եւ լուսանկարվել է կողմնակիցների հետ՝ ոչ միշտ պահպանելով սոցիալական հեռավորությունը։

Բոլսոնարուն հանդես է գալիս «ուղղահայաց մեկուսացման» անհրաժեշտության օգտին, որի դեպքում համաճարակի ժամանակ պետք է տանը մնան միայն ռիսկային խմբի քաղաքացիները եւ 60 տարեկանից բարձր մարդիկ:

Առողջապահության համաշխարհային կազմակերպության տվյալներով՝ աշխարհում կորոնավիրուսով վարակվել է ավելի քան 11,5 մլն մարդ, նրանցից ավելի քան 535 հազարը մահացել է: Բրազիլիան երկրորդ տեղն է զբաղեցնում COVID-19 հիվանդացածների թվով, այն ախտորոշվել է 1,6 մլն մարդու մոտ: Մահացել է երկրի ավելի քան 64 հազար բնակիչ։